2018 йилдан барча ўсмир қизлар одам папиллома вирусига қарши эмланади
Соғлиқни сақлаш вазирлиги маълумотига кўра 2018 йилдан мамлакатда дунёда биринчилардан бўлиб, ўсмир қизларни одам папиллома вирусига қарши эмлаш билан тўлиқ қамраб олиш йўлга қўйилади.
Бу аёллар ўртасида онкологик касалликларнинг олдини олиш, репродуктив саломатликни мустаҳкамлашга хизмат қилади. Маълумот учун папилоллома вируси касаллик бўлиб, унинг 100 дан ортиқ тури мавжуд. Айрим кўринишлари эса онкологик хасталикларни келтириб чиқаради. Ушбу хасталикдан ҳимояланишнинг энг самарали усули – папиллома вирусига қарши эмлашдир. Жаҳон соғлиқни сақлаш ташкилоти эмлаш тадбирини 9-13 ёшли қизлар ўртасида ўтказишни тавсия этади.
