Рак касалликларининг олдини олувчи 10 та маҳсулот
Давоми. Боши
- Қўнғир тусли денгиз ўтлари
Улар таркибида жуда кўп йод моддаси мавжуд бўлиб, бу модда эса қалқонсимон без фаолиятига ижобий таъсир этади. Чунки, бу ички секреция бези қонда қанд моддаси метаболизмини назорат қилади. Шунингдек, қўнғир тусли денгиз ўтлари таркибида яна селен моддаси ҳам бор. У ҳам кучли антиоксидант ҳисобланади.
Агар қонда қанд моддаси алмашинуви сусайса, бу рак ҳужайраларининг ривожланишига қулай муҳит яратади.
- Ёнғоқлар, писта ҳамда уруғлар
Бодомда летрил моддаси мавжуд бўлиб, унинг таркибида эса кам миқдорда цианидга ўхшаш субстанция бор. Бу эса саратон ҳужайраларига ҳалокатли таъсир этиб, уларни нобуд қилади. Қадимги греклар, римликлар, мисрликлар ҳамда хитойликлар ўз таомномаларида уруғ ва ўрик мағзини ишлатишган. Улар ушбу маҳсулотлар ракнинг ривожланишига тўсқинлик қилади деб билишган. Зиғир ва кунжут ҳамда ошқовоқ уруғи, писта ўзининг ташқи қобиғида лигнанин моддасини тутади. Бу эса фитоэстрогенлар ҳисобланади ҳамда организмдаги ортиқча эстроген гормонини чиқариб юборади. Танадаги ортиқча эстроген гормони эса сут бези раки, тухумдонлар раки ҳамда бачадон саратонини келтириб чиқаради. Шунингдек, лигнан моддаси соя дуккаклиларида ҳамда ундан тайёрланган маҳсулотлар тофу, мисо ва темпехеда учрайди. Осиё давлатлари аҳолиси ушбу маҳсулотларни севиб истеъмол қилганлиги сабабли ҳам бу мамлакатлардаги хотин-қизлар орасида гормонлар билан боғлиқ рак кам учрайди.
- Япон ва Хитой қўзиқоринлари
Мамтаке, шиитаке ва ре-се номли қўзиқоринлар таркибида ўта кучли иммун тизимини мустаҳкамловчи бета-глюкан номли полисахаридлар мавжуд. Бошқа жойларда ўсувчи оддий қўзиқоринларда бу моддалар учрамайди. Шу сабабли бу табиий, Шарқнинг тансиқ неъматларини қуритилган ҳолда сотиладиган Япон ёки Хитой ресторанлари, супермаркетлар ёки бозорлардан топиб қўзиқоринлар солинадиган турли таомларга солиб истеъмол қилинг.
Гулчеҳра ШИРИНОВА
