“Oltinchi barmoq” – kelajak texnologiyasi
Tanangiz imkoniyatlarini kengaytirishni xohlaysizmi? Buning uchun yangi zelandiyalik injener Klodning “The Third Thumb” (uchinchi bosh barmoq) nomli ishlanmasiga buyurtma berishning o‘zi kifoya.
Yangilik o‘z nomini butunlay oqlamoqda. “Ninjaflex” nomli o‘ta qayishqoq plastikdan tayyorlangan “bosh barmoq” qo‘l kaftiga yumshoq tasmacha orqali bog‘lanadi. Ikkita o‘rnatilgan motorchalar “barmoq”ni haqiqiy kabi uch bo‘g‘imda bukilish imkoniyatini beradi. Bu ishchi barmoq harakatlari oyoq yordamida boshqariladi. Aniqrog‘i, maxsus nazoratchi – Bluetooth oyoq kiyimga mahkamlanadi va oyoq harakatida ta’sirlanadi. Albatta, buning uchun ozroq mashq qilish talab etiladi. Biroq, injenerning so‘zlariga ko‘ra, bu mashina boshqarish yoki fortepiano chalishdan ancha oson ekan.
