“Олтинчи бармоқ” – келажак технологияси

Танангиз имкониятларини кенгайтиришни хоҳлайсизми? Бунинг учун янги зеландиялик инженер Клоднинг “The Third Thumb” (учинчи бош бармоқ) номли ишланмасига буюртма беришнинг ўзи кифоя.

Янгилик ўз номини бутунлай оқламоқда. “Ninjaflex” номли ўта қайишқоқ пластикдан тайёрланган “бош бармоқ” қўл кафтига юмшоқ тасмача орқали боғланади. Иккита ўрнатилган моторчалар “бармоқ”ни ҳақиқий каби уч бўғимда букилиш имкониятини беради. Бу ишчи бармоқ ҳаракатлари оёқ ёрдамида бошқарилади. Аниқроғи, махсус назоратчи – Bluetooth оёқ кийимга маҳкамланади ва оёқ ҳаракатида таъсирланади. Албатта, бунинг учун озроқ машқ қилиш талаб этилади. Бироқ, инженернинг сўзларига кўра, бу машина бошқариш ёки фортепиано чалишдан анча осон экан.