Tadqiqot: homiladorlik davridagi gipertoniya yurak-qon tomir kasalliklari xavfini oshiradi
Makgill universiteti olimlari o‘tkazgan tadqiqotda 146748 nafar homilador ayol qatnashdi. Ularni yaqin 4,5 yil nazorat qilib borildi. Tadqiqot davomida 997 nafar ayolda yurak-qon tomir kasalliklari, 6812 nafarida gipertoniya (arteriyada qon bosimining oshib ketishi) kuzatildi.
Tekshiruvlardan so‘ng, homiladorlik davrida gipertoniyadan aziyat chekkan ayollarning kelajakda yurak-qon tomir kasalliklariga yo‘liqish xavfi boshqalardan 2,2 marta yuqoriligi aniqlandi. Bundan tashqari, ular kelajakda gipertoniyadan 5–6 marta ko‘proq aziyat chekishi ma’lum bo‘ldi.
Mirjalol Madvaliyev tayyorladi.
