Компютер ўйинлари мияга салбий таъсир ўтказади
Монреал университети олимлари баъзи компютер ўйинлари миянинг зарарланишига олиб келишини исботлади. Кўп вақтини ўйинлар билан ўтказадиган одамларда гиппокамп (хотира маркази) нинг емирилиши юз беради. Бу эса депрессия, шизофрения (руҳий касалликнинг бир тури) ёки Альцгеймер касалликлари ривожланишига сабаб бўлиши мумкин.
Тадқиқот иштирокчиларига фаол ҳаракатни талаб етувчи ўйинларни ўйнаш таклиф қилинди. Жами ўйин вақти 90 соатни ташкил қилди. Текширув натижасида компютер ўйинлари қуйруқ ядросига қаттиқ таъсир ўтказиши аниқланди. Бундан ташқари, улар гиппокамп зонасидаги ҳужайраларнинг нобуд бўлишига ҳам олиб келиши маълум бўлди.
Миржалол Мадвалиев тайёрлади.
