Sabzavotlarni qanday holatda iste’mol qilish kerak?
Sabzavotlar foydali ekanini hamma biladi. Lekin ular tarkibidagi foydali moddalar yo‘qolmasligi uchun qanday holatda iste’mol qilish kerakligidan ko‘pchilik xabardor emas.
Misol uchun, ba’zi sabzavotlarni pishirish jarayonida ularning tarkibidagi S, V, V6 vitaminlari yo‘qoladi. Ayrimlarini xomligicha iste’mol qilish tavsiya etiladi.
Pomidor, qo‘ziqorin va sarsabilni qovurib pishirish kerak. Bu hujayralarning qalin devorlarini parchalab, saratonga qarshi birikma – likopin ishlab chiqarilishiga imkon beradi. Likopin yurak xuruji xavfini ham kamaytiradi. Qo‘ziqorinni pishirish esa o‘smalar rivojlanishini to‘xtatuvchi polisaxarid miqdorini ko‘paytiradi. Sarsabil tarkibidan bo‘lsa saratonga qarshi antioksidantlar ajralib chiqadi.
Karamning aksariyat turlari saratonga qarshi kurashuvchi glyukozinolat moddasiga boy. Bu moddalar immunitetni mustahkamlaydi. Karamni pishirish esa ularning yo‘qolishiga sabab bo‘ladi. Shuning uchun karamni chala pishirib yoki xomligicha iste’mol qilish tavsiya etiladi.
Qalampir, ismaloq, sabzi kabi sabzavotlarda S vitamini ko‘p. Ularni pishirish vitaminlar kamayishiga sabab bo‘ladi. Lekin bu sabzavotlarni bug‘lab pishirish orqali nafaqat vitamin, balki saraton va ko‘z kasalliklaridan himoya qiluvchi karotinoid va antioksidantlarni ham saqlab qolish mumkin.
Mirjalol MADVALIYEV tayyorladi.
