Muzeyda mahorat saboqlari
I.Savitskiy nomidagi Qoraqalpog‘iston Respublikasi Davlat san’at muzeyida taniqli rassomlar ishtirokida yosh iqtidor egalari uchun mahorat sabog‘i o‘tkazildi.
Muzey tomonidan tashkil etilgan mazkur tadbirda Nukus shahridagi ixtisoslashtirilgan tasviriy va amaliy san’at maktabi va bolalar musiqa va san’at maktablari o‘quvchilari qatnashdi. Mahorat sabog‘ida tasviriy san’at borasida bilim va tushunchalari, ko‘nikmalarini mustahkamlab, ijodiy mahoratini yanada oshirgan yosh iste’dodlar qoraqalpoq rassomlarining muzeydan joy olgan durdona asarlari bilan ham yaqindan tanishish imkoniga ega bo‘ldi.
