Шакарни кўп истеъмол қилиш руҳиятга салбий таъсир кўрсатади
Лондон университет коллежи олимлари 8000 дан зиёд одам иштирокида шакар истеъмоли миқдори тўғрисида сўров ўтказди. Маълум бўлишича, шакар ва ширин маҳсулотларни кўп истеъмол қилиш яқин беш йил ичида психологик касалликларнинг ривожланишига олиб келади.
Депрессия ва безовталик ҳам шулар жумласидан. Мутахассислар бундай ҳолатлар юзага келганда рациондаги шакар миқдорини камайтиришни маслаҳат беради. Лекин Британия Диетология уюшмаси ходими Кэтрин Коллинз бу фикрга қаршилик билдирди. У мутахассисларнинг юқоридаги тавсияси ҳеч қандай ишончли далил ёки асосга эга эмаслигини таъкидлади.
Миржалол Мадвалиев тайёрлади.
