Virusli va bakteriyali infeksiyalarni qanday davolash mumkin?
Olimlar virusli va bakteriyali infeksiyalarni davolash uchun mavjud preparatlarni alohida yoki boshqa dorilar bilan birga qo‘llash kerakligini ta’kidlaydi. Bu muolajaning yangi usullarini ishlab chiqishdan ko‘ra ancha samarali, deb xabar beradi Deccan Chronicle nashri.
Tadqiqotchilarning so‘zlariga qaraganda, yangi vaksina va dorilarni yaratish uchun odatda ko‘p vaqt hamda vositalar talab qilinadi. Bundan tashqari, kasallik chaqiruvchi mikroorganizmlar asta-sekin dorilarga chidamli bo‘lib boradi. Shuning uchun ishlab chiqilgan ba’zi vositalar foyda bermaydi. Yuqoridagilardan kelib chiqib, bu mikroorganizmlarga qarshi mavjud preparatlardan foydalanish yaxshiroq, degan fikr bildirilmoqda.
Mirjalol Madvaliyev tayyorladi.
