Oila madaniyati – yurt tinchligi
Poytaxtimizdagi Yunus Rajabiy mahallasida Toshkent shahar “Sog‘lom ona va bola” ayollar va yoshlar markazining O‘zbekiston Respublikasi Oliy Majlisi huzuridagi nodavlat notijorat tashkilotlari va fuqarolik jamiyatining boshqa institutlarini qo‘llab-quvvatlash Jamoat fondi loyihasi asosida “Oila madaniyati – yurt tinchligi” mavzuidagi “Salohiyat” ko‘chma klubining dastlabki tadbiri bo‘lib o‘tdi.
Unda yuridik fanlari doktori Farruxa Muhiddinova “Onalik va bolalik davlat himoyasida” mavzuida so‘z yuritdi. O‘zbekiston Respublikasi Ichki ishlar vazirligi akademiyasi professori, zahiradagi polkovnik Soraxon Ahmedova har bir oilaga kundalik faoliyatida zarur bo‘ladigan “Oila” kodeksini sharhlab berdi.
Tadbir so‘nggida ishtirokchilarning savollariga mutaxassislar tomonidan javob berildi.
