Оила маданияти – юрт тинчлиги
Пойтахтимиздаги Юнус Ражабий маҳалласида Тошкент шаҳар “Соғлом она ва бола” аёллар ва ёшлар марказининг Ўзбекистон Республикаси Олий Мажлиси ҳузуридаги нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш Жамоат фонди лойиҳаси асосида “Оила маданияти – юрт тинчлиги” мавзуидаги “Салоҳият” кўчма клубининг дастлабки тадбири бўлиб ўтди.
Унда юридик фанлари доктори Фарруха Муҳиддинова “Оналик ва болалик давлат ҳимоясида” мавзуида сўз юритди. Ўзбекистон Республикаси Ички ишлар вазирлиги академияси профессори, заҳирадаги полковник Сорахон Аҳмедова ҳар бир оилага кундалик фаолиятида зарур бўладиган “Оила” кодексини шарҳлаб берди.
Тадбир сўнггида иштирокчиларнинг саволларига мутахассислар томонидан жавоб берилди.
