Bezovtalik o‘smirlarning sog‘ligini mustahkamlaydi
Janubiy Kaliforniya universtiyeti mutaxassislari 17 yoshdan 19 yoshgacha bo‘lgan 99 nafar o‘smirning ma’lumotlarini o‘rganib chiqdi. Qatnashchilardan o‘zlarining barcha kechinmalari, masalan, imtixon yoki tashqi ko‘rinishlari to‘g‘risida yozib berishlari so‘raldi. Shu bilan birga tadqiqotchilar o‘smirlarning so‘lagidagi stress gormonlari darajasini uch martadan o‘lchab ko‘rdi.
Tadqiqot boshlanishida ishtirokchilar o‘zlari o‘tgan 3 oy davomida boshdan o‘tkazgan shamollash va bosh og‘rig‘i kabi keng tarqalgan kasalliklar haqida so‘zlab bergandi. To‘rt yildan so‘ng xuddi o‘sha qatnashchilar o‘tgan yil davomida duch kelgan kasalliklar to‘g‘risida ma’lumot berdi.
Kaliforniya universitetida o‘tkazilgan boshqa bir tadqiqot o‘rtamiyona holatdagi bezovtalik foydali ekanini isbotladi. U jarohatlanishdan so‘ng tez tuzalishga va ruhiy siqilishdan xalos bo‘lishga yordam beradi. Ko‘p tashvishlanadigan odamlar ko‘pincha maktabda yaxshi o‘qishadi va ishda ham yaxshiroq natijalar ko‘rsatadi. Stress holatida esa ular qo‘shimcha ma’lumotlarni izlaydi va muammolarni tez hal qila oladi.
Mirjalol Madvaliyev tayyorladi.
