Dubayda “Yumshoq ayiqcha” kasalxonasi ochiladi
Dubayda bolalarni shifokorlardan cho‘chimasliklari uchun tibbiy jarayonlar asoslariga o‘rgatadigan “Yumshoq ayiqcha” kasalxonasi ochiladi.
Mazkur tashkilot Dubay amiri qaroriga binoan tashkil etilgan Mohammad Bin Rashid University of Medicine and Health Sciences qoshida bo‘lishi ko‘zda tutilgan. Maktablarda bolalar o‘yinchoqlarini “davolaydigan” maxsus darslar ham joriy etiladi.
“Yumshoq ayiqcha” kasalxonasida barcha tibbiy jarayonlardan odamlar emas, balki bolalarning o‘yinchoqlari o‘tadi. Bolalarning o‘zlari esa maxsus “Simulyasiya xonalari”da kichik shifokorlar vazifasini bajaradi. Ular yangi kasalxonada bo‘lishga ulgurdi va bundan “og‘izlari quloqda”.
