“Саломатлик поезди”: Оролбўйи аҳолисига 15 миллиард сўмлик мурувват ёрдами етказилди
“Соғлом авлод учун” халқаро хайрия фонди ва “Ўзбекистон темир йўллари” АЖ ҳамкорлигида навбатдаги “Саломатлик поезди” Оролбўйи ҳудудига юборилди. Ушбу хайрия акциясида 1 минг 350 нафарга яқин фуқаро юқори малакали шифокорлар томонидан чуқурлаштирилган тиббий кўрикдан ўтказилиб, уларга манзилли мурувват ёрдами кўрсатилмоқда.
Шунингдек, тадбир доирасида ҳудудда истиқомат қилаётган аҳолига ёрдам тариқасида 15 миллиард 167 миллион сўмлик дори-дармон, озиқ-овқат маҳсулотлари, катталар ва болалар кийимлари, поябзаллар, санитария-гигиена воситалари тарқатилади.
