Yaponiya ijtimoiy ta’minot muassasalarida ishlash uchun xodimlar tanlab olinadi
O‘zbekiston Respublikasi Mehnat vazirligida Yaponiya delegatsiyasi bilan uchrashuv bo‘lib o‘tdi.
Uchrashuvda tomonlar Yaponiyaning ijtimoiy ta’minot bo‘yicha yirik kompaniyalariga O‘zbekiston fuqarolarini tanlab olish va jalb qilish, Farg‘ona viloyatida Yaponiyada mehnat faoliyatini olib borish uchun kadrlar tayyorlash markazini ochish, Tashqi mehnat migratsiyasi masalalari agentligi va Yaponiya kompaniyalari o‘rtasida O‘zbekiston fuqarolarini Yaponiyada mehnat faoliyatini amalga oshirish uchun jalb qilish bo‘yicha memorandum imzolash masalalari muhokama qilindi. Yaponiya delegatsiyasi tashrif dasturi doirasida Toshkent shahridagi bir qator kollejlar va “Saxovat” qariyalar uyiga tashrif buyuradi.
