O‘zbekistonda ilk bor Andijondagi avtobuslarda elektron to‘lov tizimi joriy qilindi
O‘zbekiston Respublikasi Prezidentining 2017 yil 10 yanvardagi “Aholiga transport xizmati ko‘rsatish hamda shaharlar va qishloqlarda avtobuslarda yo‘lovchilar tashish tizimini yanada takomillashtirish chora-tadbirlari to‘g‘risida”gi qarori asosida Andijon shahridagi mavjud 14 ta yo‘nalishda harakatlanuvchi 150 ta avtobusda yo‘l haqini elektron transport to‘lov kartochkalar orqali to‘lash joriy etildi.
Kartochkadan foydalanish tartibi juda oddiy. Chiptachi kartani terminalga (validator) tekkazib pul mablag‘ini yechadi. To‘lov amalga oshirilganini tasdiqlash maqsadida sana, vaqt, yo‘nalish nomi, avtobus va karta raqami hamda qolgan mablag‘ haqida hisobotlar qayd etilgan chipta(chek) beriladi. Busiz yo‘l haqi to‘lanmagan hisoblanadi.
