2018 yildan boshlab Toshkent shahrida chiqindilar alohida yig‘iladi
2018 yildan Toshkentdagi chiqindilarni yig‘ish punktlarini qattiq maishiy chiqindilarni alohida yig‘ishga mo‘ljallangan rangi, yozuvi va belgilari bilan farqlanuvchi maxsus konteynerlar bilan ta’minlash rejalashtirilgan.
Ayni paytda “Maxsustrans” korxonasi Osiyo taraqqiyot banki bilan qattiq maishiy chiqindilarni boshqarish bo‘yicha investitsion loyiha ustidagi ishlarni yakunlamoqda. Unda mavjud 350 ta punktni rekonstruksiya qilish, 13,5 ming dona chiqindi konteynerlarini sotib olish, qayta yuklash stansiyalarining ikkitasini rekonstruksiya qilib, bittasini yopish, Toshkent viloyatining Ohangaron tumanida 30 ga maydonda xalqaro standartlar bo‘yicha yangi sanitar poligonini qurish va jihozlash, shuningdek, sanitar poligon hamda qayta yuklash stansiyalari uchun maxsus mashinalar va mexanizmlarni xarid qilish ko‘zda tutilgan.
