2018 йилдан бошлаб Тошкент шаҳрида чиқиндилар алоҳида йиғилади
2018 йилдан Тошкентдаги чиқиндиларни йиғиш пунктларини қаттиқ маиший чиқиндиларни алоҳида йиғишга мўлжалланган ранги, ёзуви ва белгилари билан фарқланувчи махсус контейнерлар билан таъминлаш режалаштирилган.
Айни пайтда “Махсустранс” корхонаси Осиё тараққиёт банки билан қаттиқ маиший чиқиндиларни бошқариш бўйича инвеститсион лойиҳа устидаги ишларни якунламоқда. Унда мавжуд 350 та пунктни реконструксия қилиш, 13,5 минг дона чиқинди контейнерларини сотиб олиш, қайта юклаш стансияларининг иккитасини реконструксия қилиб, биттасини ёпиш, Тошкент вилоятининг Оҳангарон туманида 30 га майдонда халқаро стандартлар бўйича янги санитар полигонини қуриш ва жиҳозлаш, шунингдек, санитар полигон ҳамда қайта юклаш стансиялари учун махсус машиналар ва механизмларни харид қилиш кўзда тутилган.
