Parkentda Havro‘z
Uyg‘onish fasli bo‘lmish bahorda xalq urf-odatiga daxldor ko‘plab bayramlar nishonlanadi. Navro‘z ana shunday go‘zal ayyomlardan biridir.
Bir necha ming yillik tarixga ega ushbu bayram ajdodlarimiz tomonidan sharqona yangi yil sifatida keng nishonlanib kelingan. Inson va tabiat o‘rtasidagi mushtaraklik, dehqonchilik mavsumining boshlanishi Navro‘z shodiyonalarida, rasm-rusumlarida o‘z ifodasini topgan.
Yaqinda Parkent agrosanoat kasb-hunar kollejimizda “Assalom Navro‘z” nomli bayram tadbiri o‘tkazildi. O‘quvchilarimiz tayyorlagan bayramona dastur yig‘ilganlarga xush kayfiyat ulashdi. Ular o‘z chiqishlarida milliy urf-odatlarimizdan qanchalik xabardor ekanliklarini namoyish qilishdi. Iste’dodli o‘g‘il-qizlar ijrosidagi bahoriy qo‘shiq va raqslar esa yig‘ilganlarda katta taassurot qoldirdi.
