O‘z vaqtida aliment to‘lamagan shaxsning chet elga chiqish huquqi cheklab qo‘yiladi
Poytaxtimizda Sud ijrochilarining Chilonzor tuman bo‘limi va mahalla faollari hamkorligida aliment davriy to‘lovlarini o‘z vaqtida to‘lamay yurgan shaxslarga huquqiy tushuntirishlar berish yuzasidan uchrashuv o‘tkazildi.
Tadbirda Chilonzor tumani bo‘yicha jami 1 ming 527 ta aliment davriy to‘lovlarining bajarilishi holati tahlil qilindi. Shuningdek, aliment qarzdorligi 2 oydan oshgan fuqarolarning chet elga chiqish huquqi cheklab qo‘yilishi alohida ta’kidlab o‘tildi. Aliment qarzdorligini uch oydan ortiq muddat mobaynida qasddan to‘lamay kelayotgan shaxslarga nisbatan jinoyat kodeksining 122-moddasiga muvofiq jinoiy ish qo‘zg‘atilishi ham eslatib o‘tildi.
