Kitobsevar o‘quvchilar
Poytaxtimizning Yashnobod tumanidagi 255-umumta’lim maktabida “Kitobsevar o‘quvchi” mavzuida ijodiy uchrashuv bo‘lib o‘tdi.
Tadbir tashkilotchisi Zuhra Adashova maktab kutubxonasi jamg‘armasi tomonidan o‘quvchilarni kitobga bo‘lgan qiziqishini oshirish maqsadida amalga oshirilayotgan ishlar haqida, ona tili va adabiyot fani o‘qituvchisi Komila Qurbonova o‘quvchilar orasida o‘tkazilayotgan “Bir kitob o‘qidim” tanlovida qo‘lga kiritilayotgan yutuqlar xususida so‘z yuritdi.
Tadbirda Respublika bolalar kutubxonasi xodimlari – Zarina Yo‘ldosheva, Sayyora Ziyodova, taniqli bolalar ijodkorlari – Umida Abduazimova, Muhabbat Hamidovalar so‘zga chiqib, kitob mutolaasi bo‘yicha bolalarga kerakli maslahatlar berishdi.
Tadbir so‘ngida mehmonlar kutubxonaga yangi kitoblar taqdim etishdi.
E’zoza ABDUMALIKOVA
