Китобсевар ўқувчилар
Пойтахтимизнинг Яшнобод туманидаги 255-умумтаълим мактабида “Китобсевар ўқувчи” мавзуида ижодий учрашув бўлиб ўтди.
Тадбир ташкилотчиси Зуҳра Адашова мактаб кутубхонаси жамғармаси томонидан ўқувчиларни китобга бўлган қизиқишини ошириш мақсадида амалга оширилаётган ишлар ҳақида, она тили ва адабиёт фани ўқитувчиси Комила Қурбонова ўқувчилар орасида ўтказилаётган “Бир китоб ўқидим” танловида қўлга киритилаётган ютуқлар хусусида сўз юритди.
Тадбирда Республика болалар кутубхонаси ходимлари – Зарина Йўлдошева, Сайёра Зиёдова, таниқли болалар ижодкорлари – Умида Абдуазимова, Муҳаббат Ҳамидовалар сўзга чиқиб, китоб мутолааси бўйича болаларга керакли маслаҳатлар беришди.
Тадбир сўнгида меҳмонлар кутубхонага янги китоблар тақдим этишди.
Эъзоза АБДУМАЛИКОВА
