Zamonaviy diagnostika markazi
Andijon tibbiy diagnostika markazida ko‘rsatilayotgan sifatli tibbiy xizmatdan aholi mamnun.
Markazda 250 dan ortiq turdagi tibbiy tahlil va mutaxassis ko‘riklarini amalga oshirish yo‘lga qo‘yilgan. Bu yerda mavjud ilg‘or diagnostika uskunalari bemorlarga yuqori aniqlikda tashxis qo‘yish, kasalliklarni erta aniqlash, sog‘lomlashtirish ishlarini o‘z vaqtida bajarish imkonini bermoqda. Umumiy qon tahlili, glyukoza-bioximik tahlil, virusli gepatitning “V” turi bo‘yicha tahlil aholi uchun bepul.
