“Ipak va ziravorlar” XVI festivali bo‘lib o‘tadi
Joriy yilning 26-28 may kunlari Buxoro shahrida “Ipak va ziravorlar” XVI festivali bo‘lib o‘tadi. An’anaviy festival doirasida turli tadbirlar o‘tkazilishi rejalashtirilmoqda.
Shaharning tarixiy qismida bo‘lib o‘tadigan oziq-ovqat yarmarkasida mahalliy va xorijiy tadbirkorlar hamda mutaxassislar o‘z mahsulotlari bilan ishtirok etadi. Festival doirasida usta hunarmandlar mahorat maktabi o‘tkazadi. Gilamdo‘zlik, kulolchilik, temirchilik va zardo‘zlik kabi milliy hunarmandchilik namunalarining namoyishi bo‘lib o‘tadi. Shuningdek, qo‘chqor urishtirish, xo‘roz urishtirish, dorbozlik kabi milliy o‘yinlar namoyish etiladi.
“Sog‘lom avlod” muxbirlari xabarlari va internet materiallari asosida tayyorlandi
