Shoirga ehtirom
Parkent Agrosanoat kasb-hunar kollejida Alisher Navoiy tavalludi kuni munosabati bilan “Olisdan shu’la sochgan yorqin yulduzim” nomli adabiy-ma’rifiy tadbir bo‘lib o‘tdi.
Tadbirda so‘zga chiqqanlar ulug‘ shoir ijodining boy ma’naviy merosini rivojlantirish va keng targ‘ib etishga alohida e’tibor qaratilayotganini ta’kidladi. Shuningdek, kechada Navoiy g‘azallaridan namunalar o‘qildi. O‘quvchilarning shoir g‘azallari bilan aytiluvchi kuy va qo‘shiqlari hamda sahna ko‘rinishlari barchaga xushkayfiyat bag‘ishladi.
