Fransiyalik shifokorlar 12 bolani jarrohlik operatsiyasidan o‘tkazdi
“Sen yolg‘iz emassan” Fondi hamda Fransiyaning “Umid rishtalari” shifokorlar uyushmasi tomonidan 10–17 yanvar kunlari amalga oshirilgan navbatdagi xayriya tadbiri doirasida yurak nuqsonlari bilan tug‘ilgan 12 nafar bola jarrohlik yo‘li bilan sog‘lomlashtirildi va 45 nafar bola tibbiy ko‘rikdan o‘tkazildi.
Jarrohlik amaliyotlarini fransiyalik shifokorlar o‘zbekistonlik hamkasblari bilan birgalikda Toshkent shahridagi V. Vohidov nomidagi Respublika jarrohlik markazida amalga oshirdi.
