BAXTLI BOLALIK ShUKUHI
Uspenskiy nomidagi Respublika ixtisoslashtirilgan musiqiy akademik litseyning 1-“b”sinfida “Bilimlar” bayrami bo‘lib o‘tdi.
Tadbirni litsey direktori Dildora Jamolova kirish so‘zi bilan ochib bolalarni tabrikladi.
Nodira Ataxodjayeva rahbarlik qilayotgan sinf o‘quvchilari ijrosidagi qiziqarli sahna ko‘rinishlari tadbir ishtirokchilarida katta taassurot qoldirdi.
– Bolajonlarimizning har biri o‘ziga xos iste’dodga ega. Bayramda har bir o‘quvchi faol ishtirok etdi va tadbirga katta qiziqish bilan tayyorgarlik ko‘rishdi. Bu esa o‘quvchilarimizda mas’uliyat hissi shakllanayotganidan dalolat beradi, – deydi sinf rahbari N.Ataxodjayeva.
Mayna HASANOVA
