ТИЛ БИЛГАН ЭЛ БИЛАДИ (2012-6)
Юнусобод туман халқ таълими муассасалари фаолиятини методик таъминлаш ва ташкил этиш бўлими томонидан тумандаги 17-давлат ихтисослаштирилган мактабда амалий-ўқув семинари ўтказилди.
Ўзбекистон Республикаси Президентининг 2012 йил 10 декабрдаги “Чет тилларни ўрганиш тизимини янада такомиллаштириш чора-тадбирлари тўғрисида”ги Қарорининг ижросини таъминлаш мақсадида ўтказилган ўқув-семинарида тумандаги барча умумтаълим мактаблари чет тили фани ўқитувчилари иштирок этишди. Семинарда келгуси ўқув йилидан бошлаб биринчи синфдан инглиз тили фанини ўқитадиган ўқитувчиларга керакли тавсиялар берилди. Хусусан, хорижий тилларни ўқитиш бўйича илғор тажрибалар, тавсиялар, чет тилини ўқитишда замонавий АКТдан фойдаланиш бўйича вазирлик мутахассислари томонидан ишлаб чиқилаётган тавсиялар билан таништирилди. Бешта шўъбага бўлиниб давом эттирилган амалий-ўқув семинарида ўқитувчилар ўзаро тажриба алмашишди.
Меҳрихон ОРТИҚОВА,
Юнусобод тумани Хорижий тиллар академик лицей ўқувчиси
