Denis g‘oliblar safida
Respublika olimpiya zaxiralari tennis maktabi kortlarida Professional tennischilar uyushmasi (ATR) tomonidan tashkil etilgan “Tashkent Challenger – 2016” an’anaviy xalqaro turniri yakunlandi.
Nufuzli musobaqada yigirmaga yaqin davlatdan tennischilar bosh sovrin uchun o‘zaro bahslashdi.
Mazkur xalqaro turnrining juftlik bahslarida Denis Istomin rossiyalik Mixail Yelgin bilan birgalikda muvaffaqiyatli ishtirok etdi. Ushbu juftlik musobaqada barcha raqiblaridan ustun kelib, final bahsida D. Istomin va M. Yelgin tandemi germaniyalik Andre Begemann va hindistonlik Leander Payes ustidan 6: 4,6: 2 hisobida g‘alaba qozonib, “Tashkent Challenger – 2016” xalqaro turniri bosh sovrinini qo‘lga kiritdi.
