Bola huquqi baxtli hayot asosidir
Adolatli, demokratik huquqiy jamiyatda bolalar huquq va manfaatlari to‘liq himoya qilinadi va bu tizim me’yoriy hujjatlar orqali tartibga solinadi. Ya’ni, sog‘ligi, ta’lim olishi, tarbiyasi himoyaga olingan bolagina o‘zini chinakam baxtli, xotirjam his qila oladi.
Mustaqil yurtimizda bolalarga g‘amxo‘rlik ko‘rsatish davlat va jamiyatning doimiy e’tiboridagi masaladir. Har bir yilga muayyan nom berilib, shu asosda maxsus davlat dasturlari qabul qilinmoqda. Eng muhimi, ana shu dasturlarda hamisha bola huquqlari, erkinliklari va qonuniy manfaatlari ta’minlanishi bilan bog‘liq masalalar keng qamrab olinadi. Bundan ko‘zlangan maqsad farzandlarimizni haq-huquqi uchun kurashadigan, irodali qilib tarbiyalashdan iborat. O‘z huquqini taniydigan inson buning uchun kurashadi, kuchi va imkoniyatlariga tayanib, ularni ishga solib, samarasini ko‘radi. Atrofida sodir bo‘layotgan voqea-hodisalarga mustaqil munosabat bildira oladi.
Dildor QURBONOVA,
poytaxtimizning Uchtepa tumanidagi 7-son davlat notarial idorasi notariusi
