Hayot bo‘ston bo‘lsa, bog‘bon muallim
Jonkuyar pedagog Dildora Komilova Jizzax shahridagi 12-umumta’lim maktabida kimyo fanidan saboq beradi.
Yosh muallima o‘quv jarayonida ilg‘or pedagogik texnologiyalar, darsga oid yangiliklardan samarali foydalanadi. Fanni chuqur o‘zlashtirayotgan o‘quvchilari fan olimpiadasi va bilimlar bellashuvlarida muvaffaqiyatli ishtirok etib kelmoqda. 2015–2016 o‘quv yilida shogirdi Laylo Nurmatova fan olimpiadasining viloyat bosqichida 1-o‘rinni egalladi.
Muallima 2011 yili “Yilning eng yaxshi fan o‘qituvchisi” ko‘rik-tanlovining respublika bosqichida ikkinchi o‘ringa sazovor bo‘lgan.
O‘zA
