ZAMONAVIY MAJMUA
Qashqadaryo viloyati Koson tumani “Guvalak” qishlog‘idagi bolalar sporti majmuasi tarbiyalanuvchilari orasidan chiqqan mamlakatimiz chempionlari, nufuzli xalqaro musobaqalari g‘oliblari safi kengayib bormoqda.
Zamonaviy shart-sharoitga ega majmuaga malakali murabbiylar jalb qilingan. Bu yerda sportning 7 turi bo‘yicha 629 yosh sportchi mahorat sirlarini o‘rganmoqda. Badiiy gimnastika, milliy kurash, basketbol, qo‘l to‘pi, o‘zbek jang san’ati, belbog‘li kurash, erkin kurash bo‘yicha mashg‘ulotlar yuqori saviyada olib borilayotir. Sportchi yoshlarning 474 nafarini qizlar tashkil etadi.
Jamshid NORQOBILOV
