Болалар учун янги автотрейлер
“Toyota” компанияси Camatte Capsule концептуал трейлерини намойиш этди. Унинг илк намунаси болаларга ўзлари учун энг ажойиб хонани шакллантириш имконини берадиган интерактив тизимга эга.
Концептнинг ички деворига учтадан катта экран ўрнатилган бўлиб, уларда интерьер буюмларининг суратлари акс этади.
Болакай махсус мобиль иловага эга планшет компьютер ёрдамида хона учун 6 та тус ва 24 та турли буюмдан истаганини танлай олади. Улар орасида, мебель, мусиқа асбоблари, спорт буюмлари ҳамда хўжаликда ишлатиладиган бошқа анжомларнинг суратлари мавжуд.
Г. ЭГАМБЕРДИЕВА
