Kunduzgi oromgohlarda ta’til
Jizzax viloyatida tashkil etilgan 60 ta kunduzgi oromgohda 5 ming 225 nafar o‘quvchining ta’tilni maroqli o‘tkazishi uchun barcha sharoit yaratilgan.
Jizzax shahridagi 2-umumta’lim maktabi qoshidagi “Lochin” oromgohiga 110 nafar o‘quvchi jalb qilingan. Futbol, voleybol, basketbol maydonchalari, stol tennisi, shaxmat va shashka to‘garaklari bolalar bilan gavjum. O‘quvchilarning bo‘sh vaqtini to‘g‘ri va samarali tashkil etish uchun tasviriy san’at, badiiy ijodiyot, ingliz tili va umumta’lim fanlari to‘garaklari, ma’naviyat va ma’rifat xonasi faoliyat ko‘rsatmoqda.
