МУЗАФФАР СПОРТЧИЛАР МУНОСИБ ТАҚДИРЛАНДИ
Пойтахтимиздаги Олимпия шон-шуҳрати музейида 29 август куни XXX ёзги Олимпия ўйинларининг ғолиб ва совриндорларини тақдирлаш маросими бўлди.
Шу муносабат билан бу ерга давлат ва жамоат ташкилотлари, жамоатчилик вакиллари, спортчилар, мураббийлар, журналистлар йиғилди.
Тадбирда спортчиларимизнинг Лондон Олимпиадасидаги иштироки ва эришган муваффақиятлари Президентимиз Ислом Каримов томонидан спортни ривожлантиришга қаратилаётган улкан эътибор ва ғамхўрлик самараси экани таъкидланди. Мамлакатимизнинг барча ҳудудларида барпо этилган замонавий спорт иншоотларида, умуммиллий ҳаракатга айланган мусобақаларда тобланган ёшларимиз бугун энг нуфузли халқаро турнирларда, қитъа ва жаҳон чемпионатларида юксак натижаларни қўлга киритмоқда.
ХХХ ёзги Олимпия ўйинларида ҳам спортчиларимиз ўз маҳорати ва салоҳиятини намоён этиб, Ватанимиз шарафини муносиб ҳимоя қилди.
Давлатимиз раҳбарининг 2009 йил 5 январда қабул қилинган “Ўзбекистон Республикаси спортчиларининг 2012 йил Лондон шаҳри (Буюк Британия)да бўлиб ўтадиган ХХХ ёзги Олимпиада ва XIV Паралимпиада ўйинларида иштирок этишга тайёргарлиги тўғрисида”ги қарорига биноан спортчиларимизга барча зарур шарт-шароит яратилди. Бунинг натижасида 53 нафар олимпиячимиз мураккаб саралаш босқичларидан муваффақиятли ўтиб, спортнинг ўн беш тури бўйича Олимпия ўйинларига йўлланма олди.
Бу Лондондаги асосий беллашувларда ҳам ўз самарасини берди. Жумладан, эркин курашчимиз Артур Таймазов бу гал ҳам бош совринни қўлга киритиб, уч карра Олимпия чемпиони, деган юксак номга сазовор бўлди.
Дзюдо бўйича икки карра жаҳон чемпиони ва Осиё ўйинлари ғолиби Ришод Собиров, бокс бўйича икки карра жаҳон чемпиони Аббос Атоев ва эркин кураш бўйича Пекин Олимпиадаси кумуш медали совриндори Сослан Тигиев Ўзбекистон спорт делегацияси ҳисобига биттадан бронза медаль қўшди.
— Лондон Олимпиадасида Ўзбекистон номи, давлатимиз мадҳияси баралла янграшига ўз ҳиссамни қўшиб, Президентимиз Ислом Каримовга берган ваъдамнинг устидан чиққанимдан хурсандман, — деди эркин кураш бўйича уч карра Олимпия чемпиони Артур Таймазов. — Биз, спортчилар эришган муваффақиятлар — бутун халқимизнинг ютуғи. Камтарона меҳнатимизни давлатимизнинг юксак мукофотлари билан тақдирлагани учун Президентимиздан беҳад миннатдормиз.
Шу муносабат билан бу ерга давлат ва жамоат ташкилотлари, жамоатчилик вакиллари, спортчилар, мураббийлар, журналистлар йиғилди.
Тадбирда спортчиларимизнинг Лондон Олимпиадасидаги иштироки ва эришган муваффақиятлари Президентимиз Ислом Каримов томонидан спортни ривожлантиришга қаратилаётган улкан эътибор ва ғамхўрлик самараси экани таъкидланди. Мамлакатимизнинг барча ҳудудларида барпо этилган замонавий спорт иншоотларида, умуммиллий ҳаракатга айланган мусобақаларда тобланган ёшларимиз бугун энг нуфузли халқаро турнирларда, қитъа ва жаҳон чемпионатларида юксак натижаларни қўлга киритмоқда.
ХХХ ёзги Олимпия ўйинларида ҳам спортчиларимиз ўз маҳорати ва салоҳиятини намоён этиб, Ватанимиз шарафини муносиб ҳимоя қилди.
Давлатимиз раҳбарининг 2009 йил 5 январда қабул қилинган “Ўзбекистон Республикаси спортчиларининг 2012 йил Лондон шаҳри (Буюк Британия)да бўлиб ўтадиган ХХХ ёзги Олимпиада ва XIV Паралимпиада ўйинларида иштирок этишга тайёргарлиги тўғрисида”ги қарорига биноан спортчиларимизга барча зарур шарт-шароит яратилди. Бунинг натижасида 53 нафар олимпиячимиз мураккаб саралаш босқичларидан муваффақиятли ўтиб, спортнинг ўн беш тури бўйича Олимпия ўйинларига йўлланма олди.
Бу Лондондаги асосий беллашувларда ҳам ўз самарасини берди. Жумладан, эркин курашчимиз Артур Таймазов бу гал ҳам бош совринни қўлга киритиб, уч карра Олимпия чемпиони, деган юксак номга сазовор бўлди.
Дзюдо бўйича икки карра жаҳон чемпиони ва Осиё ўйинлари ғолиби Ришод Собиров, бокс бўйича икки карра жаҳон чемпиони Аббос Атоев ва эркин кураш бўйича Пекин Олимпиадаси кумуш медали совриндори Сослан Тигиев Ўзбекистон спорт делегацияси ҳисобига биттадан бронза медаль қўшди.
— Лондон Олимпиадасида Ўзбекистон номи, давлатимиз мадҳияси баралла янграшига ўз ҳиссамни қўшиб, Президентимиз Ислом Каримовга берган ваъдамнинг устидан чиққанимдан хурсандман, — деди эркин кураш бўйича уч карра Олимпия чемпиони Артур Таймазов. — Биз, спортчилар эришган муваффақиятлар — бутун халқимизнинг ютуғи. Камтарона меҳнатимизни давлатимизнинг юксак мукофотлари билан тақдирлагани учун Президентимиздан беҳад миннатдормиз.
— Олимпиада ўйинлари шоҳсупасига кўтарилишни болалигимдан орзу қилар эдим, — деди Аббос Атоев. — Мамлакатимизда спортни ривожлантиришга қаратилаётган улкан эътибор туфайли орзуларим ушалди. Давлатимиз раҳбарининг фармонига мувофиқ “Ўзбекистон Республикасида хизмат кўрсатган спортчи” фахрий унвони билан тақдирланганим, айниқса, бу унвонни Президентимиз топширгани мени янада мамнун этди.
— Президентимиз Олимпиада ғолибларига юртимизнинг юксак унвонларини топширгани, янги зафарлар тилагани бизга катта куч-ғайрат бағишлади, — деди Ришод Собиров. — 2016 йилда Бразилиянинг Рио-де-Жанейро шаҳрида ўтказиладиган Олимпиада ўйинларига янада масъулият билан тайёргарлик кўрамиз. Олтин медални қўлга киритиб, давлатимиз раҳбарининг юксак ишончини оқлаймиз.
Уч карра Олимпия чемпиони Артур Таймазовга “Малибу”, Лондон Олимпиадаси бронза медаллари совриндорлари — Аббос Атоев, Ришод Собиров, Сослан Тигиевга “Ласетти” автомобиллари ҳамда пул мукофотлари топширилди.
Мукофотларни Ўзбекистон Республикаси Бош вазирининг ўринбосари А.Икромов топширди.
Анвар САМАДОВ,
ЎзА мухбири,
Муҳаммад АМИН
(ЎзА) олган сурат.
