“SALOMATLIK” POYEZDI QORAQALPOG‘ISTONDA
Hukumatga qarashli bo‘lmagan “Sog‘lom avlod uchun” xalqaro xayriya fondi tomonidan O‘zbekiston temir yo‘llari” AK va bir qator tashkilotlar bilan hamkorlikda tashkil etilgan navbatdagi “Salomatlik” poyezdi “Toshkent – Qoraqalpog‘iston – Jasliq – Toshkent” yo‘nalishi bo‘ylab yo‘lga chiqdi.
“Sog‘lom ona va bola yili” davlat dasturida belgilangan vazifalar ijrosini ta’minlash maqsadida o‘tkazilayotgan ushbu tibbiy-ijtimoiy aksiya doirasida yurtimizning ekologik noqulay mintaqalarida istiqomat qiluvchi aholi malakali shifokorlar tomonidan chuqurlashtirilgan tibbiy ko‘rikdan o‘tkaziladi. Shu bilan birga aholining ijtimoiy himoyaga muhtoj qatlamiga oziq-ovqat, kiyim-kechak, dori-darmon va sanitariya-gigiyena vositalaridan iborat insonparvarlik yordamini yetkazish ham ko‘zda tutilgan.
