ДИАБЕТ ОЙЛИГИ ЯКУНЛАНДИ
Мамлакатимизда Ўзбекистон Республикаси Соғлиқни сақлаш вазирлиги томонидан ноябрь ойи Диабет ойлиги сифатида ўтказилмоқда. Шу муносабат билан Ўзбекистон Миллий матбуот марказида вазирлик томонидан “Мамлакатимизда 2015 йил ноябрь ойида ўтказилган Диабет ойлиги якунлари” мавзусидаги тадбир ташкил этилди.
Ушбу матбуот анжуманида Ўзбекистон Республикаси Соғлиқни сақлаш вазирлиги, Эндокринология илмий-амалий тиббиёт марказининг мутасадди вакиллари маркази оммавий ахборот воситалари ходимлари амалиётчи шифокор – эндокринологлар иштирок этишди.
Тадбирда соҳанинг нуфузли мутахассислари қандли диабетнинг 1–ва 2-тури, унинг клиникаси ва бир-биридан фарқли, шунингдек, ушбу хасталикнинг келиб чиқиш сабаблари, оқибатлари ҳамда профилактикаси ҳақида иштирокчиларга батафсил маълумот бердилар.
Гулчеҳра ХАЙРУЛЛА қизи
