XABARLAR, YANGILIKLAR, VOQEALAR (2012/51)
- O‘zbekiston Respublikasi Prezidenti Islom Karimov 18 dekabr kuni Oqsaroyda Rossiya Federatsiyasi tashqi ishlar vaziri Sergey Lavrovni qabul qildi.
- 14 dekabr kuni Xalq deputatlari Farg‘ona viloyati kengashining navbatdan tashqari sessiyasi bo‘lib o‘tdi. Sessiyada O‘zbekiston Respublikasi Prezidenti Islom Karimov nutq so‘zladi.
- O‘zbekiston Milliy matbuot markazida O‘zbekiston Respublikasi Prezidentining 2011 yil 30 mayda qabul qilingan “2011-2015 yillarda yolg‘iz keksalar, pensioner va nogironlarni ijtimoiy himoya qilishni yanada kuchaytirish bo‘yicha qo‘shimcha chora-tadbirlar to‘g‘risida”gi qarori ijrosiga bag‘ishlangan matbuot anjumani o‘tkazildi.
- O‘zbekiston Milliy matbuot markazida oliy va o‘rta maxsus ta’lim tizimiga zamonaviy axborot-kommunikatsiya texnologiyalarini joriy etish masalalariga bag‘ishlangan matbuot anjumani bo‘lib o‘tdi.
- Poytaxtimizdagi “Jar” sport-sog‘lomlashtirish majmuasida jismoniy imkoniyati cheklanganlar o‘rtasida ilk marotaba dzyudo bo‘yicha O‘zbekiston chempionati o‘tkazildi.
O‘zA materiallari asosida tayyorlandi.
