ISTIQLOL G‘UNCHALARI
Yoz mavsumida bolajonlarning maroqli va mazmunli dam olishlarini ta’minlash maqsadida maktabgacha ta’lim muassasalarida bir qator xayrli ishlar amalga oshirilmoqda.
Ana shunday tadbirlardan biri – “Istiqlol yulduzchalari” iste’dodli bolalar festivali Qibray tumani Xalq ta’limi muassasalari faoliyatini metodik taminlash va tashkil etish bo‘limi tasarrufidagi 20-maktabgacha ta’lim muassasasida bo‘lib o‘tdi.
Mazkur tanlovda tumandagi hududlardan g‘olib topilgan MTM tarbiyalanuvchilari ishtirok etdi. Unda har bir jamoa o‘zining kuy-qo‘shiqlari, raqslari bilan yig‘ilganlarni xushnud etdi. Jajjilar chuchukgina tili, nozik harakatlari bilan yig‘ilganlarni bir zum bolalikni xotirlashga undadi.
G‘olib va sovrindorlarga esdalik sovg‘alari topshirildi.
Shahribonu IMOMOVA
