29 МАРТ – ЎЗБЕКИСТОН РЕСПУБЛИКАСИ ПРЕЗИДЕНТИ САЙЛОВИ КУНИ
Ўзбекистон Халқ демократик партиясининг IX қурилтойи бўлиб ўтди. Унда партия Марказий Кенгашининг раиси, Ўзбекистон Республикаси Олий Мажлиси Қонунчилик палатасидаги фракцияси раҳбари, ХДПдан Ўзбекистон Республикаси Президентлигига номзоди кўрсатилган Ҳотамжон Кетмонов Ўзбекистон Халқ демократик партиясининг Ўзбекистон Республикаси Президенти сайловидаги иштироки муносабати билан партия ташкилотларининг ташкилий ва сиёсий вазифалари тўғрисида маъруза қилди.
Ўзбекистон “Миллий тикланиш” партиясининг IV съезди бўлиб ўтди. Унда Ўзбекистон Республикаси Президентлигига ушбу партиядан кўрсатилган номзод Акмал Саидов “Она Ватанимизнинг миллий манфаатлари йўлида фидокорона хизмат қилиш – бизнинг асосий ғоямиз” мавзусида маъруза қилди.
Тадбиркорлар ва ишбилармонлар ҳаракати – Ўзбекистон Либерал-демократик партиясидан Ўзбекистон Республикаси Президентлигига номзод Ислом Каримов 2 март куни Самарқанд вилояти сайловчилари билан учрашди.
Ўзбекистон Республикаси Президентлигига Ўзбекистон “Адолат” социал-демократик партиясидан номзод Наримон Умаров 2 март куни Андижон вилояти сайловчилари билан учрашди.
