MEDALLAR SONI 35 TAGA YeTDI
Fizika, matematika va informatika bo‘yicha Qozog‘istonda bo‘lib o‘tgan xalqaro fan olimpiadasida 15 ta mamlakatdan vakillar ishtirok etdi. Unda Buxoro davlat universiteti qoshidagi 3-Qorako‘l akademik litseyi o‘quvchilari yurtimiz sharafini munosib himoya qildi.
O‘n birinchi bor o‘tkazilgan olimpiadada mazkur litsey o‘quvchilari Jamshid Yaxshiyev va Suhrob Jo‘raqulov matematika fani bo‘yicha bronza va kumush medallarini qo‘lga kiritdi.
Bundan avval Qorako‘l akademik litseyi o‘quvchilari xalqaro fan olimpiadalarida fizika, matematika va kimyo fanlari bo‘yicha 33 ta medalga sazovor bo‘lgan.
Z.MAMATQULOVA
