OG‘IR ATLETIKACHILARIMIZNING MUVAFFAQIYATI
Qatarning Doha shahrida og‘ir atletika bo‘yicha o‘smirlar o‘rtasida o‘tkazilgan Osiyo chempionatida o‘zbekistonlik yosh sportchilar 3 ta kumush va 6 ta bronza medalni qo‘lga kiritdi.
Nufuzli musobaqa g‘olib va sovrindorlarini Toshkent xalqaro aeroportida O‘zbekiston og‘ir atletika federatsiyasi vakillari, sport jamoatchiligi, ommaviy axborot vositalari xodimlari kutib oldi.
Osiyo chempionatida dunyoning yigirmaga yaqin davlatidan 200 nafardan ziyod sportchi bahslashdi. Unda Vatanimiz sharafini himoya qilgan Sunnatilla Shokirjonov, Farhod Sobirov, Azimjon G‘aniyev, Shahzod Xudoyberganov, Davron Kenjayev, Jo‘rabek Zoirov kabi sportchilar g‘olib va sovrindorlar qatoridan joy oldi.
