Avgust kengashi: ona tili va adabiyoti fani muammolari muhokama etildi
Joriy yilning 18-avgust kuni poytaxtimizdagi Uchtepa tuman 116-umumta’lim maktabida Toshkent shahar xalq ta’limi boshqarmasi, metodika markazi tashabbusi bilan Ona tili va adabiyoti hamda o‘zbek tili fani o‘qituvchilarining an’anaviy Avgust Kengashi yalpi va sho‘ba yig‘ilishi o‘tkazildi.
Sho‘ba yig‘ilishi davomida Toshkent shahar Xalq ta’limi Bosh Boshqarmasi tomonidan 2013-14 yil yakunida amalga oshirilgan ishlar sarhisob etildi. Shuningdek, o‘qituvchilar bilimlarini aniqlashda bo‘shliqni bartaraf etish yo‘llari, yosh o‘qituvchilar bilan ishlashda metod birlashma va kengash raisining vazifalari, darslarni interfaol usullarda, innovatsion metodlar, axborot texnologik vositalardan samarali foydalangan holda tashkil etish kabi mavzular tanlab olindi.
Mukambar ARIPOVA
