Faqat bolajoningiz uchun
Endilikda bolalar uchun ajoyib bilaguzuk ixtiro qilindi. Bu ixtiro orqali bolangizni qayerda va nima bilan mashg‘ulligini bilib olishingiz mumkin. Qanday qilib deysizmi? Bu juda oson.
Bu borada sizga fitnes-bilaguzuk Sproutling yordam beradi. Ushbu qurilma ota-onalarga kichkintoyning qayerda ekanlini bilishga yordam beradi. Bu mahsulot bolaning tana haroratini, tomir urishi, teri namligini va uning qay darajada harakatchanligini aniqlab beradi. Ushbu bilaguzuk smartfon yordamida boshqariladi. U simsiz interfeys Wi-Fi va Bluetooth orqali boshqariladi. Uning bola sog‘ligiga hech qanday salbiy ta’siri yo‘q.
Aqlli qurilma “sayrga chiqqan bolakay”ni zudlik bilan ota-onasiga topib beradi. Bu uchun qurilmani bolakayning qo‘l yoki oyog‘iga taqishning o‘zi kifoya. Ushbu moslama silikondan yasalgan tasma bo‘lib, eng sezuvchan terida ham hech qanday allergik reaksiya chaqirmaydi.
Guli NOZ
