СУТ – ТИШЛАРНИ ТОЗАЛАЙДИ
Торонто университети олимлари қайси суюқлик овқатдан сўнг тишларни яхши тозалаши ҳақида бош қотиришди. Уларнинг таклифига кўра кўнгиллилар шарбат, сув ва сут билан оғизларини чайишган. Кейин ҳар бир суюқликдан сўнг сўлак таркибидаги бактерияларни аниқлаш учун олимлар намуна олишган. Айниқса, оғиз сут билан чайилганда бактерияларни кўпроқ ўлдириши маълум бўлди. Агар қўлингизда резина сақич бўлмаса тишларни бактериялардан холи этиш учун сутдан фойдаланиш мумкин экан. Аммо, бу овқатланишдан сўнг тавсия этилади, холос. Эрталаб ва кечқурун ётишдан олдин тишларни тиш пастаси ва чўтка билан тозалашнинг ўрнини ҳеч нарса боса олмайди, албатта.
ГУЛШИРИН
