IQTIDOR VA INTILISH SAMARASI
O‘zbekiston Milliy universitetining Madaniyat saroyida Olmazor tumani Xotin-qizlar qo‘mitasi tomonidan “Zulfiyaxonim qizlari” ko‘rik-tanlovining tuman bosqichi o‘tkazildi.
Ko‘rik-tanlovda tumandagi oliy o‘quv yurtlari, akademik litsey va kasb-hunar kollejlari hamda umumta’lim maktablarida o‘tkazilgan tanlovning 1-bosqichida g‘olib bo‘lgan 25 nafar qizlar ishtirok etdi. Ko‘rik-tanlov Nizomiga ko‘ra ishtirokchilar 5 ta yo‘nalish bo‘yicha, ya’ni fan, ta’lim, madaniyat, adabiyot va san’at yo‘nalishlarida erishgan yutuqlari, ijodiy, milliy, badiiy bezak bo‘yicha ishlari, shuningdek, ajoyib raqslari bilan qatnashib, o‘z iqtidorlarini namoyish etdilar. Ko‘rik-tanlov nizomiga ko‘ra 5ta yo‘nalish bo‘yicha g‘olib bo‘lgan qizlar tanlovning Toshkent shahar bosqichida ishtirok etish uchun tavsiya etildi.
Mayna HASANOVA
