6 ta jahon rekordi yangilandi
Poytaxtimizda og‘ir atletika bo‘yicha Osiyo chempionati bo‘lib o‘tmoqda.
Hozirda terma jamoamiz vakillaridan Og‘abek Nafasov (-55 kg) dast ko‘tarish mashqida kumush, Muattar Nabiyeva (-55 kg) dast ko‘tarishda kumush va ikki kurashda bronza, Adhamjon Ergashev (-67 kg) siltab ko‘tarish va ikki kurashda bronza medallarini qo‘lga kiritgan.
Musobaqaning birinchi kunidayoq 3 ta jahon rekordi qayd etilgan edi. Hozirgi vaqtga kelib, jami 6 ta jahon rekordi yangilanganini e’tirof etish joiz.
Bugun – 21 aprel kuni erkaklar o‘rtasida -81 kg vazn toifasida g‘olib va sovrindorlar aniqlab olinadi.
Mazkur vazn toifasidagi bahslar 19:00 ga belgilangan.
Amal SOLIYEVA,
Maryam AHMEDOVA
