Alplar ko‘ksidagi g‘ururdir Vatan
Onam bag‘ridayin mehrga konim,
Buyuk ishlar sari yo‘llar imkonim,
Yillarga tatiydi senda har onim,
Yuragim ardog‘i Vatandir, Vatan.
Ulug‘ bobolarim nomi bitilgan,
Shirog‘-u Alpomish qoni to‘kilgan,
Bayrog‘ingga oyu yulduz tikilgan,
Yuragim ardog‘i Vatandir, Vatan.
Alplar ko‘ksidagi so‘nmas g‘urursan,
Hurlik quchog‘ida davron surursan,
Dunyoga yuz tutib mangu turursan,
Yuragim ardog‘i Vatandir, Vatan.
O‘rolboy MUSURMONOV,
Samarqand viloyati, Payariq tumanidagi
37-umuta’lim maktabining 8-sinf o‘quvchisi
