Boshoqli o‘simliklar umrni uzaytiradi

Garvard universiteti mutaxassislari tomonidan ovqatlanish bilan bog‘liq bo‘lgan va bevaqt o‘lim xavfini oldini olish bo‘yicha 14 ta turli xil tahlillar o‘tkazildi. Har bir tadqiqot 6 yildan 10 yilgacha bo‘lgan muddatni o‘z ichiga oldi.

Izlanish davomida 780 ming nafar inson ishtirok etdi. Tadqiqot qatnashchilari non tayyorlashda eng ko‘p ishlatiladigan don turlari – suli, guruch va arpa bilan bog‘liq tahlillar o‘tkazishdi. Guruh a’zolari boshoqli mahsulotlarning 1 porsiyasi (1 porsiya 16 gr qilib belgilangan)ni doimiy ravishda iste’mol qilishi, bevaqt o‘lim xavfini 7 foizga, yurak bilan bog‘liq kasalliklar natijasida yuzaga keladigan o‘lim holatini 9 foizga, xavfli o‘sma kasalliklarini 5 foizga kamaytirishi ma’lum bo‘ldi. Shuningdek, bu mahsulotlarni ovqat ratsioniga kiritish arterial bosim va xolesterin miqdorini pasaytiradi.

Xurshida HUSENOVA